Michel - François LAVAUR
Texte




Tapisserie de l'Apocalypse - Chateau d'Angers.
Le quatrième sceau.

A la sason dal vantador
le blat sauta escodut
e la palha se dòl
jos lo bòsc daus flagèls
coma l'enfant uflat de cròça
lo dètz de junh a Orador.

Quand tòrna lo temps dal liador
lo dalh coija las faugièras
e la lama gafaira
mèd l'autura a javeladas
sejats tanben los òmes dins l'escura
lo dètz de junh a Orador.

A l'ora dal bufador
quand l'estelon cramat
crida et plora à se tòrser
res ne pòt l'ajudar
aital las femnas dins la glèisa
lo dètz de junh a Orador.

Filh mon filh si te vòlon far
la pèl militara
mèsfia - te d'oblidar
lo dètz de junh a Orador.



en français




Page d'accueil de MFL       Texte précédent            Un pas de plus ?