Michel- François LAVAUR
Texte et dessin inédits.

en français


Lo molin abadiòl
cobecha a la chaumassa.

Lo riu sul liech de pèiras
chanta la flor d'un jorn
tan bleu que los uelhs lindes
d'ardenta molinièra
que vai tota 'nocenta
se banhar desvestida
coma la nadarèla.

Degun n'agacha 'quela
femna que se penchena
se pimpa se pimperla
davant son miralh d'aiga
meravelha qu'aciala
lo fulhage leugier.

S'en manca pas de gaire
que la visiam enquèra
l'eternala Suzana
nadar nuda l'estiu
per aluchar los vielhs.


Page d'accueil de MFL       Texte précédent            Un pas de plus ?